HH4: GURASOEN LANBIDEAK

OKINA 

XABIERREN AMA, TINA, ETORRI ZEN GURERA BERE LANBIDEA AZALTZEA. OKINA DA ETA OGIA NOLA EGITEN DEN ERAKUSTEAZ GAIN OPARI BAT ERE EKARRI ZIGUN, BIZKOTXO GOXO-GOXOAK. BERE LANBIDEA GUSTATU ZAIGU, OREA EGITEA OSO DIBERTIGARRIA DELAKO.
OGIA EGITEKO OREA EKARRI ZIGUN, ZATITU, ORATU, FORMA EMAN ETA LABEAN SARTU GENITUEN. OGI BIKAINAK EGIN GENITUEN. ARRATSALDEAN ASKARI EDERRA EGIN GENUEN TXOKOLATE ETA GUZTI.
UMMMM!!

 

ESKERRIK ASKO, TINA!!

 ESZENATOKIEN MUNTATZAILEA

HARANEN AITA ETORRI ZITZAIGUN BERE LANARI BURUZ HITZ EGITERA. ESZENATOKIEN MUNTATZAILEA DA. TALDE ASKORENTZAT EGITEN DU LANA, ADIBIDEZ, PIRRITX ETA PORROTXENTZAT, EDO MUNDUAN OSPETSUA DEN ACDC TALDEARENTZAT, BESTEAK BESTE.
HITZALDIA OSO INTERESGARRIA IZAN ZEN. IKUSI DUGU OSO ARRISKUTSUA DELA BERE LANA ALTURA HANDITAN IBILI BEHAR DUELAKO, BERAZ, ZIURTASUN NEURRIAK KONTUTAN IZATEA OSO GARRANTZITSUA DA: KASKOA, ARNESAK ETA ABAR.

MILA ESKER, ANGEL!!!

MAPAGILEA 

AZKENIK, OIHANAK, LIBEREN AMA, MAPA BAT NOLA EGITEN DEN KONTATU ZIGUN. MAPAGILEA DA ETA BERE LANA OSO INTERESGARRIA ETA BALIOGARRIA DA. BERE LANARI ESKER, TOKI BATETIK BESTERA JOAN GAITEZKE GALDU GABE, ALTXOR BAT AURKITU DEZAKEGU UHARTE BATEN ERDIAN, EDO-TA ERREPIDE BAT EDO ETXE BAT NON EGIN BEHAR DIREN JAKIN DAITEKE. UAUU! ZENBAT GAUZA!
HEGAZKINETATIK ETA SATELITEETATIK ATERATAKO ARGAZKIEN GAINEAN EGITEN DITUZTE MAPAK, ETXEAK GORRIZ ETA BELARDIAK BERDEZ IRUDIKATUZ. ZE PIXKORRAK, EZTA?
HERNANIKO BURUHANDIEK EGITEN DUTEN IBILBIDEA ERAKUTSI DIGU ETA BURUHANDIAK BISITATZERA JOANGO GINELA ERABAKI GENUEN.
ZER IRUDITZEN ZAIZUE? EZ GARELA AUSARTUKO? JA, JA!IKUSIKO DUZUE. GU HANDIAK, AUSARTAK ETA ESPLORATZAILE BIKAINAK GARA.
APUSTURIK BAI? 

ESKERRIK ASKO, OIHANA!!!