ELITXIKI: HH3- NEGUA 2018

GAIA LANTZEKO ASMOZ, BETI BEZALA, HAURREI GALDETU GENIEN NEGUAREN INGURUAN ZER ZEKITEN, GAIA NOLA ENFOKATU BEHAR GENUEN IKUSTEKO. NEGUARI BURUZ ASKO DAKITELA IKUSI GENUEN. HORTIK BEHAR ETA NAHI BATZUK ATERA ZIREN: TRUMOIAK ETA TXIMISTAK BELDURRA EMATEN DIGUTE, BAINA ZER DIRA? ANIMALIEK ZER EGITEN DUTE NEGUAN? EGIA ESAN, GUK BIGARREN GAIA GENUEN BURUAN GAIA PLANTEATZERAKOAN, BAINA HAURREN NAHIA IKUSITA LEHENENGOA JORRATZEN HASI GINEN.
ZAILA DA 3 URTEKO HAURREI TRUMOIAK ETA TXIMISTAK ZER DIREN AZALTZEA, BERAZ, ENFOKEA ESPERIMENTAZIO ETA BIZIPEN ETA EMOZIOEN BIDETIK ERAMATEA PENTSATU GENUEN. HAURREK JOLASA ETA ESPERIMENTAZIOAREN BIDEZ BEREGANATZEN DUTE MUNDUA. BERAZ, HORRELA LANDU DUGU:

IPUINAK: NEGUKO IPUINAK, NON EGURALDIAREN ERAGINAK ETA GORA-BEHERAK AIPATZEN DIREN. HAUEI ESKER, ANIMALIEK NEGUAN ZER EGITEN DUTEN IKUSI DUGU.
ANTZERKIA, JOLASAK ETA GORPUTZ ADIERAZPENA:

IPUINETATIK ABIATUZ, EKAITZA ANTZEZTU DUGU, TRUMOIAK ETA TXIMISTAK ZER DIREN GURE GORPUTZAREKIN ESPERIMENTATUZ.
FENOMENO METEREOLOGIKOEN SOINU DESBERDINAK ADIERAZI DITUGU GORPUTZAREKIN.

EGURALDIAREN BEHAKETA: GURE ERRUTINETAN BARNERATUTA DAUKAGU EGURALDIAREN BEHAKETA, BAINA, ORAINGOAN MARRAZKI BATEZ IRUDIKATU DUGU EGURALDIA EGUNERO ETA HORREN BERRI EMAN DUGU BAI ELITXIKIN BAI SARRERAKO IRAGARKI-TAULAN. BERAZ, SINBOLO ETA ZEINUEN MUNDUARI HURBILPEN BAT EGIN DIOGU.
EGURALDIAREN ADIERAZPEN ARTISTIKOA: DENON ARTEAN HORMA-PINTURA BAT EGIN DUGU NEGUKO EGURALDIA ETA ERAGITEN DIZKIGUN EMOZIOAK IRUDIKATUZ.

IKUS DEZAKEZUENEZ, ARTEARI EMAN DIOGU GARRANTZI HANDIA GAI HONETAN, ARTEAREN ALDERDI DESBERDINEI: PLASTIKOA, GORPUTZ ADIERAZPENA...

HONEKIN ANTZEMAN DEZAKEZUE EGUNEROKOAN IKUSTEN DUZUENAREN ATZEAN ZER LANKETA DAGOEN, NAHIZ ETA AZALEAN GAUZA XUMEAK BESTERIK EZ IKUSI.

HURRENGO SARRERA BATEAN AZALDUKO DIZUEGU HORMA-PINTURA NOLA EGIN DUGUN ZEHAZTASUN GEHIAGOREKIN, BAINA HEMEN DUZUE AURRERAPEN BAT. ARTISTA BATZUK DIRA!!

GAUR, ASTEAZKENEAN ETA OSTIRALEAN ARRATSALDEZ JARRIKO DUGU PATIOAN ZUEK IKUS DEZAZUEN.